MAHIRAP ANG BUHAY, BAWAL MAGKASAKIT

Malimit nating marinig ang payo ng mga matatanda na, “Mahirap ngayon ang buhay, kaya bawal magkasakit.” Eh, kung hindi na mahirap ang buhay, pwede na bang magkasakit? Hindi pa rin, bakit? Kung ang balong nga ay natutuyuan pa ng tubig, ang bulsa pa kaya ang hindi matutuyuan kapag nagkasakit? Magastos ang magkasakit, at lalong magastos ang mamatay.

1.MALUNGKOT ANG MAGKASAKIT
Kapag miyembro ng pamilya ang Magkasakit, maghihigpit ng sinturon ang lahat. Kapag breadwinner ang Magkasakit, gutom ang daranasin ng lahat. Kapag maykaya ang magkasakit, walang higpit ng sinturon at walang gutom sa lahat, ngunit nagiisa siya sa paghihirap ng katawan. Hindi maaaring proxy ang asawa,ni anak o kamag-anaksa turok ng karayom, o hiwa ng kutsilyo, o pait ng gamot, at sa sakit ng ulo at katawan.


2. SANHI NG SAKIT
May ibat-ibang pananaw tungkol sa sanhi ng sakit. Ang ilan ay ang mga sumusunod:

a. MIKROBYO O GERMS
Si Louis Pasteur, isang chemist na Pranses ang unang nagpahayag nito. Ayon naman sa ibang scientists, ang mga germs ay nasa loob ng ating katawan. Sa sandaling abusuhin natin ang ating katawan at manghina, ay ditto sila aatake, kaya nagkakasakit tayo.

b. PAGLABAG SA BATAS NG KALUSUGAN
“Binabale wala ng tao ang batas ng kanyang pagkatao, at ang sakit ay patuloy na dumarami… pinagbibigyan niya ang panlasa na ang kabayaran ay kalusugan.” Selected Messages, Vol. 2,p. 411.

c. PAGKAIN AT PAGINOM
“Ang dalawang pangunahing dahilan ng pagkasakit ay pagkain at paginom”. G.K. Abbott M.D., High Blood Pressure, p. 10.

3. PAGIWAS SA SAKIT
May kasabihan na “ An ounce of prevention is better than a pound of cure.”
Mayroong 8 natural remedies ang Dios para sa preventive, corrective at curative health. Nabubuo ito sa acronym na NEWSTART.


1.N- NUTRITION
-Mula sa halamanan ng Eden ay ibinigay ng Dios sa tao ang pagkain na butyl o go foods, nuts na grow foods, at prutas na grow foods. (Gen. 1:29). Idinagdag ang gulay (Gen. 3:18). Ang mga gulay ay may fibers. Ang nalulusaw na bahagi nito ay nagpapababa ng kolesterol, at ang hindi nalulusaw na bahagi ay nagwawalis sa mga dumi ng bituka upang hindi magkasakit ng colon cancer, appendicitis, at diverticulitis o bukol sa bituka.
Ang butil, nuts, prutas at gulay ay may protina, fats, vitamins, minerals at carbohydrates na kailangan ng katawan. Mayroon din itong mga pythochemicals at antioxidants na panlaban sa sakit.
Pinahintulutan ng Dios ang tao na kumain ng malinis na karne sa panahon ng baha ni Noe, habang walang buhay na pananim (Gen. 7:2). Ang karne ay may protina at fats na nagbibigay ng lakas, ngunit walang carbohydrates, vitamins, minerals, fibers, pythochemicals at antioxidants. Mayroon itong apoptosis na self-decaying substance na magdadala sa pagkabulok; at toxin o lason. Ang mga malinis na hayop ay mas mababa ang lason kaysa sa maruruming hayop.
Hindi man sinasadya, may katotohanan ang sinasabi ng mga matatanda na : “Ang kumakain ng gulay ay humahaba ang buhay, Ang kumakain ng karne ay umiigsi ang buhay”. Kaya, kumain ng tama upang buhay mo ay lumigaya.

2. E- EXERCISE
Ang 206 na buto at 600 na muscles ng katawan ay dapat na nagagamit upang hindi mabawasan ang sukat at lakas ng mga ito. Ang ilan sa mga pakinabang sa exercise ay ang mga sumusunod:

Pinalalakas ang sirkulasyon ng dugo, nabubuksan ang mga capillaries o maliliit na ugat, at naaabot ng sariwang dugo at oxygen ang mga cells.
Pinalalakas ang buto upang maging matibay at maiwasan ang osteoporosis at iba pang sakit sa buto, laman at kasu-kasuan.
Pinabababa nito ang blood pressure, at lumiliit ang panganib ng stroke.
Pinalalakas ang immune system upang mabisang makalaban sa mikrobto at sakit.
Kumakapal ang dingding ng ugat sa puso at lumalakas ang pagbomba ng dugo.
Pinalalakas ang utak at maiiwasan ang pagkaulyanin; bumabata ang pakiramdam, itsura at damdamin.
Ang mabuting exercise ay naigagalaw ang lahat ng bahagi ng katawan kagaya ng aerobics, jumping, cycling, walking, jogging, swimming, rowing , gardening at iba pa.
Kumonsulta sa doctor para sa inyong wasto at angkop na exercise. Ang prinsipyo na susundin sa exercise ay may acronym na FIT.

Frequency (3-5 beses sa isang linggo)
Intensity (Katamtaman hanggang mabilis)
Time ( patuloy ng 20-30 minutos)

3. W- WATER
Angating katawan ay binubuo ng 70% tubig,ang brain cells ay 70-85% tubig, ang dugo ay 83% tubig, buto ay 22% tubig, at muscle ay 75% tubig. Bawat cell ng katawan ay nangangailangan ng tubig upang magampanan ng mga ito ang kanilang gawain.
Kailangang uminom ng hindi bababa sa 10 basong tubig sa isang araw upang mapalitan ang tubig na lumalabas sa katawan sa ibat-ibang paraan:

a. mula sa bato ay lumalabas ang 5 ½ baso sa ihi.
b. Mula sa baga ay lumalabas ang 2 baso sa paghinga.
c. Mula sa balat ay lumalabas ang 2 baso sa ihi.
d. Mula sa bituka ay lumalabas ang ½ baso sa tae.

Kailangan ang tubig upang:

Makahinga at mailabas ng baga ang carbon dioxide.
Malusaw ang kinain at mairasyon ng dugo sa mga cells ang pagkain ng katawan.
Mailabas ang mga dumi sa pamamagitan ng ihi, pawis at dumi.
Ingatang malusog ang utak upang manatiling listo at aktibo.
Pinalalakas ang immune system upang makalaban sa sakit.

Kapag walang tubig, ang mata ay masakit idilat hanggang sa ito ay mabulag. An gating balat ay magbibitak-bitak at matutuyo. Hindi makakalunok ang lalamunan. Ang dumi sa katawan ay hindi makakalabas. Pagkatapos ng matinding paghihirap, tayo ay mamamatay. Gumamit ng sapat na tubig sa paginom, at gayon din sa paliligo. Magbihis araw-araw. Kapag hindi naligo at nagbihis ang mga dumi na nakakapit sa balat at sa damit ay sinisipsip na muli ng katawan at nagiging sanhi ng karamdaman.


4. S- SUNLIGHT
Kailangan ang sikat ng araw o sunlight sa paglaki ng halaman. Kapag walang halaman ay walang pagkain at walang buhay. Ang pagkain ng halaman ay pinagsamang carbon dioxide mula sa hangin, sikat mula sa araw at tubig mula sa lupa. Ang tawag dito ay photosynthesis. Mula sa halaman ay nilalanghap natin ang oxygen, kinakain natin ang halaman, at inilalabas natin ang carbon dioxide.
Malaki ang nagagawa ng tulong ng sikat ng araw.

1.Pinapatay nito ang mga germs at bacteria. Ang mga unan, kumot at kurtina ay naiisterilize sa sikat ng araw, gayundin ang mga bagong labang damit na nakasampay sa labas.

2. Pinatitibay ang balat at laman upang maging matatag sa panlaban sa sakit. Ang 5 minuto na exposure sa araw ay sapat na ang Vitamin D para sa buong maghapon.

3. Pinalalakas ang white blood cells na panlaban ng immune system sa sakit.

4. Pinabababa ang blood sugar at cholesterol.

5.Pinasasarap ang ganang kumain at matulog.

Iwasan ang sobrang sikat ng araw. Gumamit ng pantakip as katawan na gaya ng paying, sombrero, damit at iba pa. Ang sobrang sikat ng araw ang sanhi ng melanoma o cancer sa balat.


5.T –TEMPERANCE
Ang temperance o pagtitimpi ay ang pagkontrol sa sarili, na gagamit lamang ng katamtaman sa mabuti, at pagiwas sa anumang bagay na makakasira sa katawan na katulad ng caffeine na siyang sangkap ng tsa, kape at mga inuming may cola; sa sigarilyo, alak at droga.

Ang nagagawang pinsala ng tsa, kape at cola:

1. Pagkanerbyoso, panginginig, pagkahilo, nagagambalang pagtulog at pagiisip.
2. Bumibilis ang tibok ng puso at tumataas ang taba sa dugo.
3. cancer sa ovary at bladder
4. sakit sa suso at prostate
5. paptic ulcer
6. osteoporosis
7. depekto ng bata sa loob ng tiyan.

Pinsalang nagagawa ng pagabuso sa alak:

1. brain damage
2. cancer sa bunganga, gulong-gulongan, bituka at atay.
3. sakit sa puso- paglaki ng puso
4. ulcer at gastritis
5. birth defect sa anak ng umabusong ina
6. kamatayan mula sa mga aksidente, sakit, suicide at karahasan

Ang droga naman ay nagbubunga ng maraming kaguluhan, kamatayan at mga buhay na patay. Pinakamabuting pagiwas sa alak at droga ay ang pagsisismula sa mga ito.
Ang sabi ni Solomon ay “ Ang alak ay mandaraya at ang sinumang magpapadaya ay hindi matalino.” Kaw. 20:1.


6. A - AIR
Mabubuhay ang tao ng 7 linggo na walang pagkain, ng 7 araw na walang tubig, ngunit 7 minuto lamang na walang hangin. Ang utak na walang hangin o oxygen sa loob ng 8 minuto ay nagiging gulay o inutil. Ang utak na apektado ay ang sentro ng kapangyarihan, na nagpapasya at naguutos.
Problema ng buong mundo ang pollution o masamang hangin na nagmula sa mga sasakyan, pabrika, sunog at paninigarilyo. Ang pinakamapanganib sa lahat, ay ang sigarilyo, hindi lamang sa gumagamit nito, kundi, pati sa mga kasamahan na di naninigarilyo,May ABC effect ang paninigarilyo:

A- Arteriosclorosis (paninigas ng mga ugat)
B- Bronchitis (smokers cough) paulit ulit na ubo, pagdura ng dugo at plema na patungo na sa emphysema o hingal.
C- Cancer
Paninigarilyo ang pangunahing dahilan ng cancer.

1. Lung, trachea and bronchus 90%
2. Larynx- 84%
3. oral cavity(lip, tongue, pharynx) 92%
4. Esopahagus 78%
5. Pancreas- 29%
6. Bladder 47%
7. Kidney- 48%

Walang ibang gawain ang sigarilyo kundi ang pumatay. Hindi lamang ito panganib sa kalusugan, kundi panganib din sa kaligtasan. Sinasabi ng Biblia na, kung sirain ng tao ang kanyang katawan, siya ay sisirain ng Dios. (Cor. 3:16,17)


7. R- REST
Sa bawat araw, ang ating utak ay namamahala sa 12 billion na brain cells; ang puso ay nagbobomba ng 100,000 beses upang makadaloy ang dugo sa 17 milyong milya ng mga ugat, humihinga ng 20,000 beses, at ginagalaw ang pangunahing mga muscles ng 750 beses. Kailangan ng bawat organ ang pahinga sapagkat kapag bumigay ang isang organ dahil sa kawalan ng pahinga, ang buong katawan ang masisira.
Ito ang dahilan kung bakit ginawa ng Dios ang araw para sa paggawa, at ang gabi para sa pahinga. Naglaan din siya ng buong ikapitong araw ng sanlinggo upang maging pahinga at pagsamba (Gen. 2:2-3).


8. T-TRUST IN DIVINE POWER
Sinabi ni Dr. Isaac Djerassi, Director of Oncology ng Mercy Catholic Medical Center ng Philadelphia, sa kanyang article na: “Your attitude can make you well”’ na ang mga pasyente na may paniniwala sa Dios ang may higit na pag-asa na gumaling ,dahil sa kanilang fighting spirit”. (Readers Digest, Aug. 1987).
Isang babaeng kristiano ang sumulat ng ganito: “Upang magkaroon ng sakdal na kalusugan, ang ating mga puso ay dapat na mapuspos ng pag-ibig, at pag-asa, at katuwaan sa Panginoon”. E. G. White, My Life Today, p. 149.

Sa isang experimento ng University of California ay nasumpungan nila na sa 5 minuto ng masayang pakiramdam, ang immune system ay tumaas ng 53%, ang natural killer cells (NK) na nagiingat sa atin sa cancer cells ay tumaas ng 30%, at ang ating T lymphocytes na nagreregulate ng immune system ay tumaas ng 200%. Malaki ang nagagawa ng pagtitiwala sa Dios, kaya sinabi ng Panginoon, “Ang iyong pananampalataya ang nagpagaling sa iyo”. Mar. 5:34. Ang ating pananampalataya ang nagbibigay ng lakas upang sumunod kapag malusog, at ng pag-asa kapag maysakit.

Ang Dios na lumalang sa atin ang siya ring Dios na nagpapagaling sa pamamagitan ng mga ahensya ng kalikasan. Sa pamamagitan ng mga ahensyang ito, ang Dios ay gumagawa araw araw upang ingatan tayong buhay at mahubog at maibalik sa dati. Kapag may bahagi ng katawan na nagtamo ng pinsala, ang proseso ng pagpapagaling ay nagsisismula kaagad. “Ang tanging kapangyarihan na nagpapagaling ay ang kapangyarihan na nagaayos, ang tanging kapangyarihan na nagaayos ay ang kapangyarihan na gumagawa, nagaayos, nagpapagaling at iba pa.. ang kapangyarihan na orihinal na gumawa”. Medical Ministry, p. 11,12. Tunay ang sinabi ng Panginoon na, “ Ako ang Panginoon na Nagpapagaling sa iyo.” Exo. 15:26.
Ang dalisay na hangin, sikat ng araw, pagtitimpi, pagpapahinga, ehersisyo, wastong pagkain, paggamit ng tubig, pagtitiwala sa banal na kapangyarihan, ang mga ito ang tunay na lunas.” Ministry of Healing, p. 127.